٤٠ يوم نباتي

من شهرين قررت أجرب آكل ڤيغان ( يعني أمتنع عن أكل المنتجات الحيوانية بأشكالها) الهدف: أجرب إذا آقدر آكل منتجات نباتية فقط> أقيس أثر الغذاء النباتي من تجربة شخصية، ضميري يخف علي شوية من البلاوي اللي بتصير للحيوانات اللي بآكل لحمها و أشرب ألبانها. عشان ما أشتهي الأشياء الحيوانية من باب العناد قررت إنه حاكل منتجات نباتية حصرياً في البيت. و برة البيت ممكن أطنش بس انتهيت إنه آكلت أكل نباتي ٩٥ ٪ من الوقت.اطنش لو في كيكة معمولة بالبيض برة البيت او حلى فيه زبدة. نور زوجي قرر يعمل معايا التجربة و دا سهل علي بشكل كبير. اللي صار خلال الأربعين يوم هو التالي: اكتشفت انه عندي نقص حاد في فيتامين ب ١٢ و عرفت انه مهم اخده على هيئة حبوب مصدرها طبيعي. كان غريب علي إحساس إنه بطني مهيمقفلةأو مهيماسكةمن الشبع، نوع الشبع اختلف. في البداية كنت أدوخ في وسط اليوم بعدين استوعبت انه لازم آكل وجبات أصغر مفرقة، بعد آول اسبوعين ما صرت أجوع بسرعة و صرت عادي آكل وجبتين أو ٣ و ما احتاج وجبات أصغر. نحفت ٣ كيلو. عندي طاقة أكبر، نومي أعمق، أحس نفسي أخف جسمياً و نفسياً و روحانيا. المدتيشن صار أسهل شويتين. راحت النفخة من بطني. انتظم دخولي للحمام.

كنت آكل برة البيت ٣ مرات في الأسبوع، صرت آكل برة البيت مرة أو أقل في الأسبوع. لقيت مجال ابتكار جديد لنفسي و صرت استمتع بالطبخ كانه عمل فني. استوعبت انه ممكن اعلم نفسي شي جديد كليا و انه في طاقة من الكون تساعدني و تاخد بيدي لما اقرر أعمل شي جديد بنية معينة. ماني متاكدة اذا وفرت ولا لا لانه كتير منتجات استعملها مستوردة و دايما باحاول الاقي بدائل محلية. كنت استعمل Pinterest أكتر من أي كتب طبخ. صرت أجلس في البيت أكتر و أقضي وقت مع الاولاد أكتر. بداو الاولاد يقلدوني في طريقة أكلي و بدأو  يتشجعوا يجربو يعملو ا فطور أو سلطة لهم و لنا. حبيت إنه المساعدات في البيت بداو ياكلو زينا و يجربوا يطبخوا الأكل الحبشي بدون لحوم. اكتشفت انه ممكن اعبر عن حبي بالأكل. إحساس ما ينوصف لما احد يدخل المطبخ و يعلق انه في ريحة شي طيب. ثقتي بنفسي و احترامي لنفسي على الالتزام زاد. اشتهيت حلى كتير و بدأت اجرب اعمل اشياء نباتية ١٠٠٪. خلال ال٤٠ يوم ما اشتهيت بيض ولا لحمة و لا دجاج. اكلت سوشي مرتين و كنت باراقب اذا حاتضايق منه بس ما اتضايقت ابدا.  لكن مرة اكلنا انا و نور سليق و فطيرة جبنة و حلى بالقشطة في ديك الليلة احنا الاتنين معدتنا تعبت و تاني يوم فضل معانا صداع طول اليوم. عرفت انه جسمي بيرفض الالبان بشدة.

 أبغا اقول انه حاكل اي شي اشتهيه و اثق بعد التجربة اللي فكت اي ادمان على الالبان و اللحوم (عقبال السكر يا رب) انه جسمي حيقوللي ايش آكل سواء قبلما آكله أو بعد ما آكله. اليوم طنشت و اكلت حبة دونت الظهر ما قدرت اكل بعدها و طول اليوم عندي مغص. خالتي قالتلي: صعب كدا الواحد تصير بطنه حساسة. السؤال هل لازم بطننا تكون خفيفة و مهي مثقلة عشان تكون حساسة؟ عشان تقولنا إيش ناكل و إيش ما ناكل، فين نشتغل، و بمين نرتبط؟ هل لازم نسمع جسمنا ايش بيقول بعد ما ناكل شي معين و نلاحظ اذا على طول حيصير في حشرجة او بلغم في الحلق بعد الزبدة او الدقيق و لا مغص و عسر هضم بعد اللحمة و لا احساس سيء بعد كيلو سكر؟ . خلصت الاربعين يوم من اسبوعين أو اكتر، و انا مستمرة على نفس النظام أنا و نور. ما ابغا اسمي نفسي فيغان عشان ما ابغا ارتبط بالفكرة. بس في الوقت الحالي اخترت اسمع حدسي و جسمي و قلبي. في الوقت الحالي  دا اللي اشتهيه و اللي جسمي يحتاجه و بيطلبه. لما يتغير يتغير..

2 comments on “٤٠ يوم نباتي

  1. Rola Al Sharif

    Thanks for sharing, Nouf, if you drink more Soy milk and Soy beans it will give you all your need of B12. You dont need to take any supplements at all…

  2. برافو عليك حالياً انا بيومي الثاني من تجربه اني اكون نباتيه مقتنعه ميه بالميه لكن صعب جداً اني القا مكونات كون اهلي مهووسين بالمنتجات الحيوانيه ، لكن الحمدلله مبسوطه كثير.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: